राज्यात आज करोनाचे १२० नवे रुग्ण; एकूण रुग्णसंख्या ८६८ वर

मुंबई: राज्यात करोनाबाधितांचा आकडा वाढतच आहे. आज दिवसभरात करोनाचे १२० रुग्ण सापडले असून, एकूण बाधितांची संख्या ८६८वर पोहोचली आहे. एकट्या मुंबईत ६८, तर पुण्यातही ४१ नवे रुग्ण आढळले आहेत. त्यामुळं चिंतेत आणखी भर पडली आहे. राज्यात करोनामुळे आतापर्यंत ४० हून अधिक जणांचा मृत्यू झाला असून, त्यामध्ये ज्येष्ठ नागरिकांचा सर्वाधिक समावेश आहे. करोनामुळे आतापर्यंत ६० वर्षांवरील जवळपास २० ज्येष्ठांचा मृत्यू झाल्याची धक्कादायक माहिती समोर आल्याने चिंता व्यक्त केली जात आहे. तर ३० ते ५० वयोगटातील व्यक्तींना करोनाची सर्वाधिक लागण झाल्याचंही आढळून आलं आहे.