पुरुषांनी वापरावा घरगुती फेसपॅक, डाग-मुरुमांपासून मिळेल सुटका

मुलांनाही चेहऱ्यावर येणारे मुरुम, त्यापासून निर्माण होणारे डाग यांसारख्या समस्यांचा सामना करावा लागतो. सुरुवातील कित्येक तरुण याकडे दुर्लक्ष करतात, पण नंतर त्यांना पश्चातापही होतो. त्यामुळे वेळीच चेहऱ्याच्या त्वचेची काळजी घेण्यास सुरुवात करा. वाचा ही खास मुलांसाठी असलेली घरगुती फेसपॅकची माहिती...

 

नितळ त्वचेसाठी घरगुती फेसपॅक

नितळ आणि सुंदर त्वचेसाठी तुम्ही महागडे तसंच केमिकलयुक्त उपचार करत असाल तर ते आताचा थांबवा. त्वचेचा पोत सुधारण्यासाठी घरगुती उपचार देखील प्रभावी ठरू शकतात. आपल्या प्रत्येकाच्या स्वयंपाकघरामध्ये बटाटा (Potato Face Pack) सहजरित्या आढळतो. चेहऱ्यावरील मुरुमांचे डाग कमी करण्यासाठी तुम्ही बटाट्याचाही (Face Packs For Men) वापर करू शकता. बटाट्यातील पोषकतत्त्वांमुळे चेहऱ्यावरील डाग कमी होण्यास मदत होते. या घरगुती उपचाराचा वापर केल्यास तुमच्या चेहऱ्यावर कोणतेही दुष्परिणाम होणार नाहीत. बटाट्याचा फेसपॅक तयार करून केवळ पाच मिनिटांसाठी तो चेहऱ्यावर लावून ठेवायचा आहे.

 

​पुरुषांच्या त्वचेला असे मिळतील लाभ

महिलांच्या तुलनेत पुरुषांची त्वचा थोडीशी रुक्ष असते. यामुळेच मुलांच्या चेहऱ्यासाठी मिळणारे फेसपॅक देखील विशेष पद्धतींनी तयार केले जातात. आम्ही तुम्हाला बटाटा आणि चण्याचं पीठ यापासून फेसपॅक (Face Cleanup at Home) कसं तयार करायचं, याबाबत माहिती देणार आहोत. या फेसपॅकमुळे पुरुषांच्या चेहऱ्यावरील डाग तसंच डार्क सर्कल कमी होण्यास मदत होईल. वाढत्या वयानुसार आपल्या चेहऱ्यावर बरेच बदल होत असतात. यापैकी एक म्हणजे चेहऱ्यावर सुरकुत्याही दिसू लागतात. सुरकुत्यांची समस्या कमी करावयाची असल्यास बटाट्याचा वापर करा. बटाट्यामध्ये ‘व्हिटॅमिन सी’ भरपूर प्रमाणात आहे. यातील पोषकघटक आपल्या चेहऱ्यासाठी लाभदायक आहेत.

 

​बटाट्याचा वापर का करावा?

संशोधकांच्या माहितीनुसार, बटाट्यामध्ये कॅटकोलस (Catecholase) नावाचं एन्झाइम (Enzyme) असतं. चेहऱ्यावरील डाग कमी करणं आणि त्वचेवर नैसर्गिक चमक आणणे, हा कॅटकोलस एन्झाइमचा मुख्य गुणधर्म आहे. पुरुषांच्या चेहऱ्यावर नॅचलर ग्लो (Ayurvedic Tips For Glowing Skin) यावा यासाठीच फेसपॅकमध्ये बटाट्याच्या रसाचाही समावेश केला जातो. बटाट्यातील पोषक गुणधर्मांमुळे सूर्याच्या हानिकारक किरणांपासूनही चेहऱ्याचं संरक्षण होण्यास मदत मिळते.

 

कोरडी त्वचेच्या समस्येतून मिळेल सुटका

जे तरुण कोरड्या त्वचेच्या समस्येमुळे हैराण आहेत, अशांसाठी बटाट्याचा फेसपॅक हा रामबाण उपाय आहे. कारण यामध्ये 'व्हिटॅमिन ई'चे भरपूर प्रमाण आहे. ज्यामुळे कोरड्या त्वचेची समस्या कमी होण्यास मदत होते.

 

​बटाटा आणि चण्याचे पीठ फेसपॅक

सामग्री : 1 बटाटा, 3 चमचे चण्याचं पीठ, 3-4 थेंब बदामाचं तेल

विधि : सर्वात आधी बटाटा स्वच्छ धुवून सोलून घ्या.

बटाट्याचे बारीक तुकडे करा आणि मिक्सरमध्ये वाटून त्याचा रस काढा.

फेसपॅकमध्ये बटाट्याचा रस किमान एक चमचा असणं गरजेचं आहे. हे लक्षात ठेवा.

आता चण्याचं पीठ आणि बटाट्याचा रस असे मिश्रण तयार करा.

या मिश्रणामध्ये बदामाच्या तेलाचाही चांगल्या पद्धतीनं समावेश करा.

आता हा पॅक हलक्या हातांनी चेहऱ्यावर लावा आणि थोड्या वेळानं स्क्रब देखील करा.

पाच मिनिटांसाठी पॅक चेहऱ्यावर लावून ठेवा. यानंतर कोमट पाण्यानं चेहरा स्वच्छ धुवून घ्या.

आठवड्यातून दोन वेळा हा उपाय तुम्ही करू शकता.

 

​चण्याच्या पिठाचे चेहऱ्याला होणारे फायदे

तुमच्या त्वचेचा रंग आणि पोत सुधारण्यास मदत होते. त्वचा मऊ देखील होते.

तेलकट त्वचेची समस्या कमी होण्यास मदत होते.

मृत त्वचा काढण्यासाठी बेसन फेसपॅक हा उत्तम उपाय आहे.

चण्याच्या पिठामुळे चेहऱ्यावर मुरुम येण्याची समस्या कमी होते.

चेहऱ्यावरील सुरकुत्या कमी होतात तसंच त्वचा सैल देखील पडत नाही

चेहऱ्यावरील छिद्रांमधील दुर्गंध कमी होण्यास मदत होते. हा पॅक लावण्यापूर्वी चेहरा स्वच्छ पाण्यानं धुवून घ्या. तसंच पॅक लावल्यानंतर लगेचच घराबाहेर पडणं टाळा. कारण धूळ-माती, प्रदूषणाच्या संपर्कात आल्यास पॅकमुळे चेहऱ्यावर चांगले परिणाम दिसून येणार नाहीत.

 

​फेसपॅकचे काही दुष्परिणाम (Side Effect) होऊ शकतात का?

बटाटा आणि चण्याचे पीठ यामध्ये कोणत्याही प्रकारची रासायनिक गुणधर्म नाहीत. त्यामुळे शक्यतो त्वचेवर कोणतेही दुष्परिणाम होणार नाहीत. पण तरीही तुम्हाला शंका असल्यास पॅक चेहऱ्यावर लावण्यापूर्वी हातावर लावून पाहा. हाताच्या त्वचेवर तुम्हाला जळजळ जाणवल्यास हा पॅक चेहऱ्यावर लावू नका. कोणत्याही प्रकारची अ‍ॅलर्जी आढळून न आल्यास तुम्ही हा उपाय करू शकता. तरीही तुम्हाला शंका असल्यास तज्ज्ञ किंवा डॉक्टरांचा सल्ला घ्या. बटाटा किंवा चण्याच्या पिठापासून अ‍ॅलर्जी असल्यास हा उपाय करणं टाळा.